Mest-i ʿaşḳam bāde-yi peymāneden müstaġnḭyim / Mest-i cām-ı sāḳḭ-yi meyḫāneden müstaġnḭyim

Bu cihānda gülḫān-ı şehr-i fenādır meskenim / Zḭb-i gülşen zḭnet-i kāşāneden müstaġnḭyim

Ġayr-ı Ḥaḳḳdan olmışam tebdḭl-i abdālım bugün / Ṣūfiyā rḭş-i berūt şāneden müstaġniyim

Vérmişim mehr u ṭalāḳın bu cihān-ı ḳaḥbeniñ / Nāz-ı ġunc u ʿişve u cānāneden müstaġnḭyim

Cān evinde hem-rehim bir māh-ı meh-efrūze ol / Nūr-ı şemʿ-i ḥālet-i pervāneden müstaġnḭyim

Ey āḫḭ bizden ne ġam ger zāhid dḭvānedür / Āşinā-yı ʿaşḳam ol bḭgāneden müstaġnḭyim

Ḳalb-i ṣāfımdır maḥall-i genc-i maʿnḭ-yi ʿaşḳ-ı dost / Bulmışam ol genci her vḭrāneden müstaġnḭyim

Şāh-bāz-ı burc-ı lāhūtiyem men ṣeyyāḥ-ı çarḫ / Ḥḭle u tezvḭr u dām u dāneden müstaġnḭyim

Bir tecerrüd rūḥ-ı ḳudsum nuṭḳ-ı Ḥaḳḳdan doġmışam / Şol doḳuz ata bu yeddi āneden müstaġnḭyim

ʿĀrif-i esrār-ı ẕātım ġarḳ-ı deryā-yı ṣıfāt / ʿİlm u cehl-i ʿāḳıl-ı dḭvāneden müstaġnḭyim

Ẕikr u fikrim şāh-ı merdān medhidür leyl u nehār / Her ḥadḭŝ u ḳıṣṣa-yı efsāneden müstaġnḭyim

Maʿden-i dürr-i meʿānḭdir vücūd-ı Himmetḭ / Şol ṣadef ḳalbiñdeki dürdāneden müstaġnḭyim