Kerem ḳıl ey birāder olma kennās / Güler kennāsı her meclisde nesnas

Vücūdunda muḥibb-i murtażānıñ / Gerekmez aru buḫl u ḥırs u vesvās

Bi-ḳavl-i Muṣṭafā ey merd-i müflis / Ḳanāat dür ṭabḭb u renc-i iflās

Ḳıyās-ı zerḳ sal kim bu fenādan / Saña yoldaş olan bir vaṣla kerbās

Bu derde bulmadı çoḳ eyledi saʿy / Devā-yı Loḳmān u Eflāṭun u Cāmās

Cefā hḭç kimseye ḳılmaz bu devrān / Ḫān-ı Behrām u Gūr u Sām u Elḳās

ʿAlḭdür ḥayy u bāḳḭ şāh-ı sāḳḭ / Muḥibbe havż-ı kevŝerden vérür ṭās

Bu ṭasıñ curʿasından ḳaldılar hayy / Mesḭh Ḥıżr u hem İdrḭs u İlyās

ʿAlḭ hem sāḳḭdür hem mihr-i meclis / ʿAlḭniñ medḥ u ẕikri zeyn-i iclās

Aʿmā bu aftāb-ı ẕevḳi görmez / Ki almışdur onuñ āyinesiñ pās

Güneş burc-ı velāyetden naẓar ḳıl / Ṭulūʿ eyler demādem bḭkem u kās

Bu nuṭḳ-ı ābdār-ı Himmetḭniñ / Münāfıḳ çeşmine çün tḭġ-ı elmās