Kāf-ı nūndan ʿālemi imkān éden perverdigār / Yeddi merre baḥr doḳḳuz keyvān éden perverdigār

Kün dédiñ bir kez açıldı kāinat oldı maʿūn / On sekkiz miñ ʿāleme ihsān éden perverdigār

Bu muraṣṣa ḳubbe-i mānend-i fānus ḫayli / Ḥikmet-ilen rūz şeb gerdān éden perverdigār

ʿArş-ı eyvānıñ kevākibden munaḳḳaş eyleyen / Āftābı meşʿal-ı tābān éden perverdigār

Şeh-süvār-ı çarḫ içün bir lāciverdḭ ʿarśada / Mihr u māhı göy-len çevgān éden perverdigār

Daşı laʿl u yaġmurı dürdāne eyler ḳanı mişk / Ḳaṭreyi cemʿ eyleyüb ʿummān éden perverdigār

Ḳudretinden iki ellen ḳırḫ ṣubḥ étdi ḫamḭr / Āb-ı ḫākk ḳālıb-ı insān éden perverdigār

Öz deminden ḳıldı nefḫ rūḥı dem ol ḳālıb / Ṣūret-i cismi libās-ı cān éden perverdigār

Vérdi nuṭḳ-ı ʿallemu’l-esmā ögretdi aña / Ādemi üstād-ı ins u cān éden perverdigār

Nūḥa fażlından ʿināyet ḳılmadı keştḭ necād / Ümmetiñ müstevcib-i ṭufān éden perverdigār

Nār-ı Nemrūdu Ḫalḭle eyledi reyḥān u dürr / Şevk-ilen İsmāʾil ḳurbān éden perverdigār

Mūsāya vérdi yed-i beyżā u Tevrāt u ʿaṣā / Taḫt-ı Mıṣra Yūsufı sulṭān éden perverdigār

Muṣṭafānı ḳıldı ḫatem-i enbiyā ḫatem-i kelām / Murtażānı server-i merdān éden perverdigār

Bḭ-nevādur Himmetḭ vér ḫānı vaṣlından nevā / Derdine her ʿāşıḳıñ dermān éden perverdigār