Yā maẓhar-ı Ḥaḳḳ sırr-ı ḫudā şāh-ı velāyet / Yā menbaʿ-ı ihsān-ı kerem ʿayn-ı ʿināyet

Üstād-ı ezel pādişah-ı leşker-i ervāḥ / Mevṣūf-ı ṣıfāt-ı ebedḭ ẕāt-ı bidāyet

Her ʿasrda ʿallāme ki geldi cihāna / Kim buldı seniñ ʿilmiñe bir ḥadd-ı nihāyet

Bu dört kitābıñ maʿnḭsini ey şeh Ḥaḳḳdan / Bir noḳṭa-imiş hem bu-idi defter-i āyāt

Ne cinn u melek bunda ne peyġamber-i mürsel / ʿAvn eylemesen Ḥaḳḳ yola bulmazdı hidāyet

Maḥmūd seniñ ḫarbiñ-ilen kuy-ı nübüvvet / Çaldı felek üstünde şehā baġladı rāʾyet

Eylerdi Benḭ Ādemi tārāc ʿAzrāʾḭl / Ger ḳılmasayüz yā velḭyullah ḥimāyet

Müʾmin oluban ḳalbine ḭmān dolur el-ḥaḳḳ / Onun ki éder cānına bu maʿnḭ sḭrāyet

Yüz min günehi olsa eger ʿafv éder Allah / Kār eylemez ol bendeye ʿiṣyān-ı ḫıyānet

Her kim ki bugün ʿaşḳıña cān eyledi ḳurbān / Ḳıldı bu ticāretde besi sūd-ı kifāyet

Yandursalar ey Himmetḭ bu yolda seni ḫalḳ / Şükreyle yeri eyleme zinhār şikāyet