ʿAlḭdür pādişāh-ı cāvidānım / ʿAlḭdür şāh-ı emr-i kün-fekānım

ʿAlḭdür āftāb-ı maşrıḳ-ı ʿaşḳ / ʿAlḭdür defter-i ʿilm-i beyānım

ʿAlḭdür nefḫa-yı rūḥ-ı iżāfḭ / ʿAlḭdür cism içinde nuṭḳ-ı cānım

ʿAlḭdür bil kelāmullah-ı nāṭıḳ / ʿAlḭdür defter-i ʿilm-i beyānım

ʿAlḭdür manṭıḳımda feyż-i güftār / ʿAlḭdür ʿaynıma nūr-ı ʿayānım

ʿAlḭ evṣāfıdır şerḥ-i kitābım / Ḳaṣḭdem ṭabʿ-ı nuṭḳum dāstānım

Ḫayālim géce gündüz fikr u ẕikrim / Mübārek ismidir vird-i zebānım

ʿAlḭ mihridir āfetden penāhım / Muʿallā āstānıdır bu şāhıñ

Ferāz-ı ʿarş-ı evc-i āsımānım / Necātım kişver-i emn-i emānım

Menim mihr-i ʿAlḭdür rūz-ı hḭcā / Dḭvānım cevşen-i seyf-i sinānım

Zihi devlet cihānda çoḫ saʿādet / Tökülse şāh meydanında ḳanım

Ne fikrim var münāfıḳ leşkerinden / Yeter imdādıma şāh-ı cihānım

Demidir Himmetḭ Ḥaḳḳdan érişdi / Ẓuhūr-ı mehdḭ-yi ṣāḥib-zamānım