Göster bize ẓulmünde yüz ey nūr-ı ṣafā ruḫ / Ey şemʿ-i hüdā ey ḳamer evc-i ṣafā ruḫ

Ey āyine-yi ṣūret-i cān maẓhar-ı subḥān / Ḫurşḭd-i cihān-tāb ayā bedr-dücāʾ ruḫ

Ey dḭn güneşi Āḥmed-i Maḥmūd-ı Muḥammed / Nūr ile cihānı açub ey şems-i ẓuhā ruḫ

Dḭv aldı cihān mülkini yā şāh-ı velāyet / ʿArż ét demidür bir daḫı yā şḭr-i ḫudā ruḫ

ʿArż eyle bu ʿācizlere yā Ḥaydar-ı ṣaff-der / Dutdı bize yüz leşker-i endūh-ı belā ruḫ

Ferzḭn-i besāṭ-ı felek kec-rev-i lāġib / Ḳalbinde bıraḫdı bizi şāhā benemā ruḫ

Ḳaldı bu göñül ʿarṣa-yı ḥasretde piyāde / Sür üstümüze atıñı ʿarż eyle şehā ruḫ

Gördi bizi bu varṭada bu ḫavf-ı ḫaṭarda / Dönderdi nifāḳ-ile ḳamū ḳavm-i riyā ruḫ

Amma ki ne ġam dutmışuz ey ṣāḥib-i ḳuvvet / İḫlāṣ-ile çün ẓāhir u bāṭında saña ruḫ

Ey pādişah-ı arż aʿlā-yı şeh-i kevneyn / Ṣıdḳ-ile ṣürer maḳdemiñe ehl-i semā ruḫ

Éndirmez eger cevr u cefā ile vérür baş / Bu merḥalede tā ebed erbāb-ı vefā ruḫ

Çıḫ perdeden ey māh-ı felek keşf-i ḥicāb ét / Yolunda ḳoyubdur bize müştāḳ-ı liḳā ruḫ

Dergāhıña dutmışdur ayā şāh-ı mükerrem / Ümmḭd-ile bu Himmetḭ ḫayl-i gedā ruḫ