Ḳāse-i yaḳūt-ı renk-i gül bu cām-ı mey degil / Nāle-i cāngāh-ı bülbüldür ṣadā-yı ney degil

Bu ṣoġuk sözler nedir germiyyet-i ülfet gerek / Sevdigim bu nev-bahār-ı ārzūdır dey degil

Bülbülüñ de ṭondırır avāzını ḳānūn-ı ʿaşḳ / Neyleyem ol nāle-i dil-sūzi pey-der-pey degil

Pertev-i şöhret baña mestāne-i cām-ı mey yeter / İstemem ger efser-i mihr olsa tāc-ı key degil

Açmamaḳdır ġonca-i esrārı iş ey gül beden / Nükte-i rāz-ı femiñ keşf eylemek bir şey değil

Mey degil mā-ı ḥayāt içse dirilmez ḳalıbı / Seng-i gūristāndır nezdimde zāhid ḥay değil

Kāġıd-ı sīmīn-i şiʿre ṣaçdı zerrīn noḳṭalar / Cūd-ı feyż -i ṭabʿ-ı Nūrī bu seḫā-yı Ṭāyī değil