Terkini bād-ı ṣabā eyler nigārā şāḫ şāḫ / Yoḫsa āhımdan mıdur zülf-i semensā şāḫ şāḫ

Zülfüñü cānā perḭşān görcek oldı ġuṣṣadan / Sünbül u pertāb-ı reyḥān-ı muṭarrā şāḫ şāḫ

Çün lekānıñ açdı ruḫsārıñ açıldı ey ḥabḭb / Yasemin u erguvan vérdi hemrā şāḫ şāḫ

Mevsim-i güldür dem-i ʿişret ḳılur gülzār seyr / ʿAndelib mest u şeb-āheng-i şeydā şāḫ şāḫ

Tā çemende ʿarż-ı ḳāmet ḳıldın ey ṭūbā-ḫırām / Oldı ḥasretden vücūd-ı serv-i raʿnā şāḫ şāḫ

El götürdi yalvarur ehli teki besṭām çınār / Titredi ʿarʿar yarıldı naḫl-ı ḫurmā şāḫ şāḫ

Ḥaydar u ṣaff-der ki ḍarb-ı ẕülfiḳārından olur / Şöyle kim hicā gününde ḳalb-i aʿdā şāḫ şāḫ

Ol velḭyullahınıñ ḥükmünden oldı Ḥaḳḳ bilür / Pūr-ı ʿimrānıñ öñünden āb-ı deryā şāḫ şāḫ

Ne işāretdür ki Muʿsānıñ deminden ol zaman / On iki çeşme aḫdı seng-i ḫārā şāḫ şāḫ

Ol ne oddur kim dédi “ennḭ ene’llah” Mūsḭye / Şuʿlesinden nūra döndi dār-ı hazrā şāḫ şāḫ

Ger yedin esrārına āgāh iseñ şerḥ eyle kim / Ne cihetdendür beyān-ı yed-i beyżā şāḫ şāḫ

Medḥ ḳılduḳca emḭr-i naḫl uşbu Himmetḭ / Cān nuṭḳundan aḫar şehd-i muṣaffā şāḫ şāḫ