Söyle ey dil Ḥaydar-ı Kerrāra dāḭm menḳıbet / Ger dilersen dḭn u ʿuḳbāda Ḥaḳḳdan maġfiret

Ey āḫḭ şāh-ı velāyet ḳuldur çün münḥarif / Bu ḫaberdür vāḳıf ol burhān-ı ehl-i maʿrifet

Başını çeksün ʿAlḭ ʿaşḳına ġayret dārına / Her kim ister aḫret dārında tāc-ı salṭanat

Merd iseñ zerḳ u riyādan geç hevā-yı ḥırsı ḳoy / İħtiyār eyle ʿAlḭ yolunda faḳr u meskenet

Ḫāke yeksān ol ʿAlḭ yolunda ey āzāde merd / Tā ola rūḫuñ bu esfelde ŝüreyyā menzilet

Vādḭ-yi ḫavf-ı ḫaṭardan ḳurtarsun onı / Sālik-i ḥubb-ı ʿAlḭdür mülk-i emn-i ʿāḳıbet

Cān fedā ḳıl iḫtiyārıñ elde iken Ḥaydara / Çün bilürsen yırtılur āḫir libās-ı ʿāriyet

Ana raḥminde bu ādem ṣūretin taṣvḭr édüb / Baġladı bu od u su tobraḳ yelden şeş cihet

Şol mübārek ismini ẕikr bu fāl-i saʿdime / Geldi “ʿ-L-Y” Ḳur’āna ḳıldum meşveret

Her kim onun ḳıymaz mene ṣıdḳ-ile olsa ayāz / Ṭāliʿi mesʿūd işi Maḥmūd olur bil ʿāḳıbet

Pādişāhıdur ḥaḳḭḳat kişveriniñ ol velḭ / Kelb-i dergāḥıdur anıñ vālḭ-yi her memleket

Ekmeyeñ ten mevṣiminde ʿāḳıbet toḫm-ı vefā / Bulmadı bāġ-ı ḥayātından cihānda menfaʿat

Himmetḭniñ yā ʿAlḭ maḳṣūd-ı dḭdārıñ gören / Sensiz bin dünyā ḥarām olsun oña hem aḫret