Göñül ṣaḥra-yı nāmūsı unutdı ḫaṭırıñ ḫoş ṭut / Semend-i āh bāşḳa rāh ṭutdı ḫaṭırıñ ḫoş ṭut

Şarāb-ı āteşin laʿliñi ṣun serd-i güftārıñ / Dili senden beni cāndan ṣoġutdu ḫāṭırıñ ḫoş ṭut

Hevā-yı mihr-i ruyıñla sirişk-efşān olur çeşmim / Bu āb ü tāb pek ḳanım ḳurıtdı ḫaṭırıñ ḫoş ṭut

ʿAceb mi baḳmasa meyḫāne-i dehre göñül sāḳī / Ki ol sermest-i ġam çoḳ ḳan yutdı ḫaṭırıñ ḫoş ṭut

Sevād-ı zülf-i şeb-gūn u nigāh-ı nergis-i mestiñ / Nice bī-dār-ı çeşmānı uyıtdı ḫaṭırıñ ḫoş ṭut

Zemīn-i tāzesinde Ġalibiñ Nūrī olur pey-rev / Göñül ṣaḥra-yı nāmūsı unutdı ḫaṭırıñ ḫoş ṭut