Göñlüm diyārın eyledi bir demde yār fetḥ / Ḳılmaz-ıdı onı Rüstem İsfendiyār fetḥ

Aṣḥāb gerçi eylediler besi cedd u cehd / Kim ḳıldı ḫayber-i şeh-i düldül-süvār fetḥ

Hünermend ʿadū-yı ʿādil şol ʿamr u ʿanterḭ / Tenhā kim étdi Ḥaydar u bā-ẕülfiḳār fetḥ

Ceng-i Uḥudda nār ʿAlḭ endi ʿarşdan / Bu naṣra ile vérdi oña kirdigār fetḥ

Tapmazdı istikāmet-i islām ve’s-selām / Ger şehr-i dḭni ḳılmasa ol şehriyar fetḥ

Ur [şādiyāna] raʿd-ı felek oldı Ḥaydara / Çoḳdan bu yeddi ḳalʿa-yı Nḭl-i ḥiṣār fetḥ

Hükmine ʿarş u ferş u mekḭn u mekān mutḭʿ / Şems u ḳamer kevākib u leyl u nehār fetḥ

İnsān u cinn dḭv perḭ rām vaḥş-ı ṭayr / Eşyā ḳamū musaḥḥar u ŝuʿbān u mār fetḥ

Serv-i semā u ʿarż u cebel baḥr cümle keşf / Bu şarḳ u ġarb u ḳuṭb yemḭn u yesār fetḥ

Dünyā u ʿuḳbā ʿālem u Ādem aña ṭufeyl / Yevmü’l-ḳıyām vaʿde-yi rūz u şümār fetḥ

Rūşen żamḭr-i pākine külli cehḭm u ḥuld / Ḥaşr u ḥesāb-ı memleket-i nūr u nār fetḥ

Buldı karār şehr-i velāyetde Himmetḭ / Kim oldı aña kişver-i dāru’l-ḳarār fetḥ