Ḥamdulillah keşf-i ẕāt étdi bugün ḫālıḳ bize / Lam u ba şaḳ olmayınca demedi nāṭıḳ bize

Lam bādan şaḳ olundı sırr-ı bābullah-ı Ḥaḳḳ / Gör ne elṭāf-ı mükerrem étdi mi lāyıḳ bize

Lāyıḳ-ı kelb-i ʿAlḭ olsañ zih-i devlet saña / Ey gönül ḥamd u ŝenā ḳıldem-be-dem fāyıḳ bize

Seyyid-i ṣādıḳ ʿAlḭ evlādıdır Ḥaḳḳ bilmişem / ʿİllet u ʿiṣyāna añlar hādi-yi ṣādıḳ bize

Ḥāẑıḳ-ı ʿillet ʿAlḭ aḥbābına ṣıḥḥat vérür / Muṣṭafādır Muṣṭafā ḥāmḭ hem ʿāşıḳ bize

ʿĀşıḳ-ı ḥırṣ u ḥḭleden saḫlasun ḭmānımız / Vérmesün iblis teşvḭşiñ şeh-i şārıḳ bize

Şārıḳ u ġārib ʿAlḭ ḥükmindedür bu nuh felek / Bir ṣaḥḭḥ āŝārdan naḳl-eyledi sābıḳ bize

Sābıḳu’l-islām sālārı ʿAlḭdür āşikār / Şükr ve’l-minne bu sırdan vérdiler salıḳ bize

Salıḳ alduḳ bu yola doġrı varan görmez ḫaṭar / Himmet-i āl-i ʿAlḭden neyler ol sārıḳ bize

Sārıḳ olmaz ehl-i devlet ṣāliḫ olmaz nā-ümid / Vérdiler nuṭḳ-ı kelāmullahdan tanıḳ bize

Tanıduḳ ol maẓhar-ı ẕāt-ı ḳadḭmi Himmetḭ / Ḥāṣıl oldı ḥamdulillah dḭde-yi tanıḳ bize