Ḥaydardan eger gün teki dem urmasa herkes / Çek tḭġ-ı dūdem başını ol bḭ-ḫaberiñ kes

Buṭāʿat u bu ʿilm u ʿamel zühd u varaʿdan / Ol server-i ṣāḥib-keremiñ mihri baña bes

Merdüm déyüben maʿrekede eylemesün lāf / Her nākes-i kennās-ı daġal mümsik-i nāsik

Andan ser u zer istediler söylemedi lā / Hind u ʿArab u Türk u ʿAcem Gürcü u Çerkes

Şahbāz ki olmışdı oña sidre-nişḭmen / Anıñla çıḫan ʿarşa oḫur ḳarga u kerkes

Şāhenşeh-i eyvān-ı celālet şeh-i ʿādil / Sulṭān-ı serāperde-yi nuhṭāḳ-ı muḳarnes

Bir menzil-i ednādur aña ḳaṣr-ı muraṣṣa / Bu çarḫ-ı mülemmaʿ daḫı bu ḫayme-yi aṭlas

Sergeştesidür çarḫ dutan çarḫ-ı muʿallaḳ / Seyrān-gehidür sidre u ḳavseyn-i muḳavves

Her ṣubḥ demi şemʿ-i velāyetden alur nūr / Şol ṭāḳ-ı munaḳḳaşda bu ḳandḭl-i muṭallas

Ol nuṭḳ āyesi ʿālem-i ḳudrette ʿAlḭdür / Tāc u ser-i ser-leşker-i ervāḥ-ı muḳaddes

Şevḳ āteşine ġarḳ oluban ʿaşḳla ḫoş ḫoş / Min ṣavt-ı ṣedā ile oḫur medḥ-i fuḳarnas

Evṣāf-ı ʿAlḭdür ne ki söylerse lisānım / Eşʿār-ı ḳaṣāḭʾde rubāʿḭ u muḫammes

Ey Himmetḭ çün eyledüñ aheng-i medāyih / Sür ḫarmegesi maʿrekeden eylemesin ses