Var-iken ol ẕāt-ı muṭlaḳ yoḫdı eşyā henüz / Emr-i kün mevḳūfdı bu dünyā u ʿuḳbā henüz

Géce gündüz maḥv-idi tābān geldi ay gün / Ḫanda-idi ʿarş u ferş esfel-i aʿlā henüz

Ol şeh-i merdān vücūd iḳlimine sulṭān-ıdı / Gelmeden ketm ʿademden Ādem u Ḥavvā henüz

Men sücūd eylerdim ol manẓūr-ı Ḥaḳḳa olmadan / Od su tobraḳ yélden aḥsenü’l-ḥüsnā henüz

Cebreʾḭliñ per u bālıñ yanduranda Murtażā / Ẕāt-ı Ḥaḳḳdan ġayrı kimse yoḫdı peydā henüz

Ḫıżra vérdi anda ʿilm-i ledünnḭden sabaḳ / Ādeme ders olmamışdı ʿalleme’l-esmā henüz

Bende saldı dḭvi ol dest-i velāyet ḫarb-ilen / Vérmedi Mūsāya Ḥaḳḳ fetḥ-i yed-i beyżā henüz

Onuñ enfāsından ervāḥ-ı mücerred buldı cism / Baṭn-ı Meryemden vücūda gelmeden ḭsā henüz

Aḥmede oldı ezelden Ḥaḳḳ ṭarḭḳinde refḭḳ / Olmadan ẓāhir ṭarḭḳ-i leyletü’l-esrā henüz

Ser-be-ser dutdı velāyet āftāb-ı ʿālemi / Ḫāricḭ ḫuffāşa nisbet görmez ol aʿmā henüz

Himmetḭ şāh-ı velāyet medḥini eyler müdām / Cinn u insān u melek yeg olmadı güyā henüz