Gezdigiñ gülşeni bellerler ise ey gül fem / Göz diken saña hezār ölmesine yoḳ şübhem

Giryeme baḳma gözüm nurıñı yoḳdur gözeden / Ġam-ı laʿliñ ile ḳan aḳmadıġı hiçbir dem

Şuʿle-i āh görünse kesilür ḳaṭre-i eşk / Nice üftāde olur ġonca-i şemʿa şebnem

Nīm mi ṭolı mıdır sāġarı yārim ṣundı / Ṭastamam geldi ki keyfimce ne bīş oldı ne kem

Ṣıyt u şöhretle cihān içre ser efrāz oldı / Velveleyle ayaġın baṣmaġla ṭabl u ʿalem

Ḥasretin ben çekerim her gice ġonca lebimiñ / Saña ey murġ-ı seher gülşen-i ʿālemde ġam

Tīr-i āhım eser itmez ise ol seng-dile / Nūrīyā deşt-i muḥabbetde daḫi ṭaş dikemem