Noḳṭa-yı ḥarf oldı keşf nuṭḳ-ı ʿAlḭden bize / Érdi fütūḥ-ı kelām şāh-ı velḭden bize

Biz ʿAlḭye bendeyüz bāḳḭ u pāyendeyüz / Ḳısmet édübdür munı Ḥaḳḳ ezelḭden bize

Yoḫ-idi ʿālem henüz ḫilḳat-i ādem henüz / Geldi bu feyż-i ezel lem-yezelḭden bize

Çekse ḥaşr dḭv-i ded çekme ġam ey bḭ-baṣar / Her dem érişür meded nād-ı ʿAlḭden bize

Āyine-yi dil-ṣafā tapdı bu yüzden cilā / Düşdi ṭulūʿ-yı żiyā mihr-i celḭden bize

Ḳıldı keremʿaşḳ-ı yār dem-be-dem eyler güzār / Uşbu fenā mülküne tā geleliden bize

Hemdem-i cān gerek gevher u kānı gerek / Yoḫsa ne ḥāṣıl dilā bu ʿamelḭden bize

Serverimiz Būturab yulduzımız āftāb / Degmeye hḭç naḥsiyet şol reżelḭden bize

Himmetḭyem ehl-i ʿaşḳ ʿaşḳı éder ẕikr-i meşḳ / Vérdi bu mihriʿAlḭ ḳālū belādan bize