ʿAlḭdür evliyā ḫaylına sertāc / Yüzi ḳıble ḳapusı kaʿbetü’l-ḥāc

Sözi burhān özi Ḳur’ān-ı nāṭıḳ / Cemḭʿ-i enbiya ʿilmine muḥtāc

Ḥabḭbiñ kitfine basdı ayaḳıñ / Dolaşdı lā-mekāna ḳıldı miʿrāc

Kesr-i ġabrāda şeh-per-i Cebreʾḭlden / Semā evcinde Aḥmedden alur bāc

İşid bu manṭıḳı gör bu maḳāmı / Çıḫart panbuḳ ḳulaḳından gözin āc

Éder bir demde külli ʿālemi ġarḳ / Velāyet baḥrı daşdı ḳopdı emvāc

Ne atın oynadur her ḫar tabḭʿat / Besātinde onuñ māt oldı leylāc

Ḥaẕer ḳıl Ḥaḳḳa iki baḫma zinhār / Ḳılur ḭmānıñı iblḭs tārāc

Ériş ṣāḥib-ḫurūca yoḫsa taḥḳḭḳ / Olursan defter-i maʿnḭden iḫrāc

ʿAlḭ dḭdārına ḳıl secde-yi şükr / Uşat Lāt u Menāt saḫlama ḫāc

ʿAlḭ medhi oḫurlar baġ-ı dilde / Hezārān ṭūṭi ḳumri durrāc

Ene’l-Ḥaḳḳ söyledi dārü’l-fenāde / Ne gördi Himmetḭ Manṣūr-ı Hallāc