ʿĀşıḳıñ ser-vérmeye bu yolda daʿvāsı gerek / Her kim ol merdüm dér daʿvāya maʿnāsı gerek

Dāimā āl-i Muḥammed ʿaşḳına müʾminleriñ / Ḫāriciylen şāh meydānında ġavġası gerek

Daʿvḭ-yi islām éder her kim müselmānam dér / Düşmeni āl-i ʿAlḭyye hem teberrāsı gerek

Ol ki Ḥaḳḳıñ bendesidür Muṣṭafānıñ ümmeti / On iki maʿṣūma ṣıdḳ-ilen tevellāsı gerek

Dḭn yolunda Muṣṭafādan gösterir her kim nişān / Murtażādan ol nişānıñ mühr u ṭuġrāsı gerek

Şol kelām-ı nāṭıḳıñ medḥinde pes ʿāşıḳlarıñ / Bülbül-i gūyā kimi bir nuṭḳ-ı gūyāsı gerek

Görmek ister ol ki bu āyinede vecḥ-i liḳā / Pertev-i nūr-ı ʿAlḭden ʿayn-ı bḭnāsı gerek

Bilmek ister her kişi ʿilm-i ledünnḭden ḫaber / Şol velḭler şāhı tek üstād-ı dānāsı gerek

İsm-ilen islām özi kāfir cihānda bḭ-şümār / ʿĀlem-i maʿnḭde pes ismiñ müsemmāsı gerek

Her muṣallā kim ḳılur Ḥaḳḳa ṣalavāt dāimūn / Şāh-ı dergāhı kimi anıñ muṣallāsı gerek

Bu ḳafesden şevḳ-ile pervāze gelse murġ-ı rūḥ / Evc-i ʿizzetde velāyet burcı meʾvāsı gerek

Himmetḭ nūr-ı ʿAlḭden rūşen eyle cān gözin / Ki saña ʿāşıḳ cemālullah temāşāsı gerek