Cihāna mehdi-yi hādḭ-yi ḫudā geldi ḫudā geldi / Ṭulū ʿétdi güneş nūr-ı ḫudā geldi ḫudā geldi

Semādan ẕülfiḳār endi mesih-i mehdi atlandı / Münāfıḳ ḳavmine Ḥaḳḳdan belā geldi belā geldi

Buyurdı nāżır u ḫālıḳ tükendi fāsıḳ u sāriḳ / Oḫundı muṣḥāf-ı nāṭıḳ nidā geldi nidā geldi

Tükendi müddet-i hicrān érişdi vuṣlat-ı cānān / Bugün müʾminlere luṭf-ı ʿaṭā geldi ʿaṭā geldi

Vérildi ʿāşıḳıñ ḳamıñ çeker maʿşūḳ-ile cāmı / Bi-ḥamdullah ki eyyām-ı ṣafā geldi ṣafā

Görün ol ʿāriż-i mihri münevver ḳıldı bu dehri / Zamān-ı nübüvvet mehdi vefā geldi vefā geldi

Dimāġ-ı dil muʿaṭṭardır meşām-ı cān muʿanberdir / Nigār-ı çḭn-i zülfinden żiyā geldi żiyā geldi

Murādıñ verdi ʿuşşāḳıñ dükkānıñ yıḫdı zerḳin / Yine derdine müştāḳıñ devā geldi devā geldi

Ḳamer çıḫdı seḥābından oyatdı fitne ḫābından / Velāyet āfitābından żiyā geldi żiyā geldi

Şerḭʿat bostanında ḥaḳḭḳat gülistānında / Öter bir ʿandelḭb-i ḫoş-nevā geldi nevā geldi

Geçibdür ẓālimiñ devri raḳḭbiñ ḳalmadı cevri / İrādet şehrine şāh-ı rıżā geldi rıżā geldi

Bu yolda Himmetḭ ṣūfḭ çekübdür ʿāleme yoḫı / Ṭarḭḳ-i evliyāda cān-fedā geldi cān fedā geldi