Perde-i ʿarşdan oldı gün teki iẓhār tāc / Ḳıldı çün şemʿ-i tecellḭ gün teki envār tāc

Şāh elinden ġāziler ol gün ki géydi ḳırmızı / Ṣaḥn-ı meydānı serāser gülzār tāc

Tāc géymek cān başından géymeyenler Ḥaḳḳdur / Terk-i ser her kim ki ḳılmaz géymesün zinhār tāc

Bezm-i rezm içinde géydi ʿālem iŝbāt içün / Hel etā ve lā fetādan Ḥaydar-ı kerrār tāc

Şöyle kim otuz iki dürdāneden olmış tamām / Cebreʾḭlde nāzil oldı Aḥmede destār tāc

Tāc-ı ḳayṣer tāc-ı keykāvus keyḫüsrev degül / Oldı ehl-i Allah nūr-ı ḫālıḳ-ı cebbār tāc

Āyet-i “naṣrun minallah” oldı ber-pā şükr-i Ḥaḳḳ / Ki bu gün her gören eşrārı ebrār tāc

ʿAşḳına berdār olan Manṣūr tek nuṣret tapar / Eyler onı ḫalḳ-ārā bu ʿarṣada serdār tāc

Yolına ser vérmeyen bir serseridür bilmiş ol / Pes żarūretden géyer ol ḫāin-i tarrār tāc

Bir olur kim münāfıkdur dér altımdaki / Kim ḳılur ol günde nāṭıḳlar kimi güftār tāc

Meyl-i sürḫ-ı āteşidür şuʿle-yi ḫurşḭd-i dḭn / Kör éder ḫuffāş görgec ey ulū’l-ebṣār tāc

Geldi mehdi Himmetḭ nūr-ile doldı kāināt / Dutdı yeddi kişver ey müʾmin-i dḭndār tāc