ʿĀşıḳam bir ṣūret-i zḭbāyı gözler gözlerim / Ṣūreti manẓūr édüb maʿnāyı gözler gözlerim

Ḳaṣr ne ṭāḳ-ı çırāġan eyleyen yulduzlara / Baḫmazam ḫūrşḭd-i ʿarş-efzāyı gözler gözlerim

ʿArş-ı dilde şāh-bāz-ı āşiyān-ı ʿizzetim / Ḳaf-ı ḳurb u mesken u ʿanḳāyı gözler gözlerim

Nuh felek mülk-i melek bir pāye-yi ednā-imiş / ʿĀlem-i ḳavseyn “ev ednā”yı gözler gözlerim

Burc-ı esfelde nişḭmen dutmaya şehbāz-ı ḳuds / Şāh-ı sidre menzil-i aʿlāyı gözler gözlerim

Eylemez çārum-felekde ibn-i Meryem tek maḳām / Çün feżā-yı ʿālem-i bālāyı gözler gözlerim

Bu ḳafesde merġzār-ı gülşen-i ʿaşḳım bugün / Merġzār-ı cennetü’l-meʾvāyı gözler gözlerim

Ṣūret-i insāna zāhid secde ḳılsam ḳılma ʿayb / Anda zḭrā ʿilmüʾl-esmāyı gözler gözlerim

Aḫter-i burc-ı velāyet şemʿ-i cemʿ-i ḫāṣ u ʿām / Bir hilāl olmaz mükemmel ayı gözler gözlerim

Cūşe gelmez seylden daşmaz bulanmaz Himmetḭ / Beyle gevher maʿdeni deryāyı gözler gözlerim