Bir dem ki öter sensiz oña dem démek olmaz / Her cāhile hem ṣoḥbet u hem dem démek olmaz

Deyyāre déme sırr-ı Ḥaḳḳı saḫla beşerden / Düş bu cürme kimseye maḥrem démek olmaz

İbrāhimliḳ gerçi ḳılur sırr-ı maḳāmāt / Amma oña İbrāhim-i Edhem démek olmaz

Kimdür ḥarem-i ḥażrete ḫāṣ Aḥmed-i Mürsel / Her mürsele Maḥmūd-ı mükerrem démek olmaz

Saçın uzadur secr-ilen her müteseyyid / Ol nā-ḫalefe seyyid-i ʿālem démek olmaz

Engüşter-ilen ḥükm eger buldı Süleymān / Çün ḥaşm-i nübüvvet aña ḫātem démek olmaz

Dédin ki ana Ādeme evvel şeh-i merdān / Kim bilmese bu nükteni Ādem démek olmaz

Ḥaydar kimi iḫlāṣ-la merdāne bu yolda / Ser vérmeyene aʿlem-i ekrem démek olmaz

Göñlüne ʿAlḭdür beli sulṭān-ı muḳaddem / Hḭç kimseyi ol ẕāta muḳaddem démek olmaz

Ger müʾmin-iseñ söyleme aḫbār-ı ʿAlḭden / Deccāl ḫarı Ḭsḭ-yi Meryem démek olmaz

Maʿnḭ gerek daʿvḭye aḥbāb-ı ʿAlḭniñ / Her lāf édene lāf-ı mesellem démek olmaz

Ey Himmetḭ sen Ḥaydara düldül ḫaberin vér / Bu ʿarṣada her ḫārese Rüstem démek olmaz