Nām-ı rehberin her kim ʿalḭyü’l-murtażā ḳılmaz / Münāfıḳdur cihānda éttiği ʿahde vefā ḳılmaz

Vücūd-ı mülkiniñ naḳdiñ ḥayātıñ ḥāṣıl-ı ʿömrüñ / Niŝār-ı ḫāk-i rāh-ı ser-firāz evliyā ḳılmaz

Hidāyet bulmaz ol güm-rāh-ı cāhil rāh-ı maḳṣūda / ʿAlḭ evlādını her kim o gence reh-nümā ḳılmaz

Ḥaḳḳıñ dḭdārını görmez ḳalur maḥrūm-ı nā-binā / ʿAlḭniñ ḫāk-i dergāhıñ ne göz kim tūtiyā ḳılmaz

Érişmez viṣāl-i maḥbūba ʿAlḭ ʿaşḳına her kim ki / Muḥabbet ʿāleminde başla cānıñ fedā ḳılmaz

Teberrā ḳıl eger dūzaḫden āzād olmaḳ istersen / ʿAdū-yı ehl-i beytiñ ḥācetin Allah revā ḳılmaz

Anıñ kim yoḫdur cānında ʿaşḳ-ı ʿaḳl u dḭn derdi / Ḥekim-i lemyezel derdine ol dḭviñ devā ḳılmaz

Muḥabbet ʿāleminde olmasañ ger bende-yi Ḥaydar / Ḥaḳḭḳatde saña ey bende-yi Ḥaḳḳ luṭf-i ʿaṭā ḳılmaz

İki baḫma cihānı maʿnḭde Ḥaḳḳ birdür ey müşrik / Muvaḥḥidler ʿAlḭni ḥażret-i Ḥaḳḳdan cüdā ḳılmaz

Beḳā-yı cāvidān olmaz yaḳḭn bil dār-ı maʿnḭde / Olar kim külli dārın Ḥaḳḳ ṭarḭḳinde fenā ḳılmaz

Eyā müʾmḭn ʿAlḭ mihrin siper ḳıl saḫla ḭmānıñ / Çıḫar tḭr-i ḳader ḳavsin ḳażādan o ḫaṭa ḳılmaz

Eger Şāh-ı velāyet ʿaşḳına berdār éderlerse / Olur teslḭm-i Ḥaḳḳ bu Himmetḭ çūn u çirā ḳılmaz