Şu‘le-i elmāsveş zīb ü ferüñ parlar geçer / Ġırre itme ḥüsne mihr-i enverüñ parlar geçer

Ay sipihr-i ‘işve hem-çün ra‘d bu üftāde nüh / Ḥiddet-i berḳ ü nigāh-ı şeş-perüñ parlar geçer

Sā‘id-i fitneyle meşḳ-i çūb ider ol şeh-süvār / Nīze-i pür-ṣayḳal-i nāziş-gerüñ parlar geçer

Kesret-i nuẓẓār ile gül-rū ‘araḳ-rīz-i ḥicāb / Bu ġażabla çün ‘araḳ rūḥ-ı terüñ parlar geçer

Biz bün-i çāh-ı taḥassür beklerüz ey çerḫ-i dūn / Bu raṣad-gehde ḳumāş-ı ülkerīn parlar geçer

Ḳaṭre dem cismümde ḳoymaz bī-amān feṣṣādsın / Öz reg-i nabż-ı ḫayāle nīşterüñ parlar geçer

Ol cenāb-ı ḥażret-i Vessīm Efendi sūḳıdur / Bī-revāc olsun ġazel Ḫāliṣ zerüñ parlar geçer