Serv-i baġ-ı lā-fetā vaḳt oldı ḳāmet gösterür / Ol ricālullahı cemʿ eyler ḳıyāmet gösterür

Bu cehetden mehdḭ-yi āḥir-zamān dérler oña / Anıñ iẓhārı ḳıyāmetden ʿalāmet gösterür

Nūş-ı rāḥat müʾminḭn-i ṣādıḳlara ʿayş u nişāṭ / Ẓālim-i cāhillere renc ü nedāmet gösterür

Ṣarf édübdür kim ki eyyām-ı ḥayātıñ ġaflete / Ol ḫabersiz ġāfile cürm-i ġaramet gösterür

Olasın şeytan-perest ey dḭv-i gümrāh-ı cühūl / Ḳasdider ḭmānıña āḫir melāmet gösterür

Ey hidāyet isteyen bu Ḥaḳḳ ṭarḭḳe doġru gel / Mehdḭ-yi hādḭ saña rāh-ı selāmet gösterür

Hüccetü’l-ḳāim ḭmām-ı cinn u insān melek / Derdem ehl-i cennete yüz miñ kerāmet gösterür

Fetḥ içün ol ṣāḥib-i devrān şeh-i ṣāḥib-ḳırān / Kāinātı seyr éder ān iḳāmet gösterür

Yeryüzünden ẓulm u cevriñ ṭarḥını eyler ḫarāb / Refʿ éder bu inḳılābı istiḳāmet gösterür

Bu cemḭʿ-i enbiyānıñ muʿcizāt-ı ʿilmini / Ol velḭ bir nuḳṭa-yı badan tamāmet gösterür

Cemʿ olur ervāḥ ḫayl-ı enbiyā u evliyā / Onlara beytü’l-muḳaddesde imāmet gösterür

Ol emḭriñ emrine ey Himmetḭ göster ḳıyām / Vāʿde-yi yevmü’l-ḳıyāmet érdi ḳāmet gösterür