Tanı ol şāhı kim olur aña sırrullah keşf / Noḳṭa-yı ba sin u mim sırr-ı bismillah keşf

Olmadı yaʿni ʿAlḭden ġayrı bil hḭç kimseye / Müfredāt-ı muṣḥāf sırr-ı kelāmullah keşf

ʿİlmine eşyā musaḫḫar hem żamḭr-i pākine / Cinn u ins külli maḫlūḳāt-ı arżullah keşf

Ḫālıḳıñ hem ḫilḳatiñ esrārı ʿayāndır ẕātına / Levḥ-i maḥfūẓ u nuzūl-ı vaḥy-i ʿarşullah keşf

Sırr-ı er-raḥman ʿale’l-ʿarş-ı istivāʾ maʿlūm aña / Ṣūret-i ŝeb’u’l-meŝānḭ yaʿni vechullah keşf

Barmaġı miftāḥ-ı bāb-ı raḥmet-i rahmānḭdir / Ḥaḳḳdan ol şāh-ı kerḭme künt-i kenzillah keşf

Ṣed hezārān ʿḬsḭ tek rūḥ-i mücerred bendesi / Şol dem-i cān-baḫşına enfās-ı rūḥullah keşf

Geldi ʿilminden ẓuhūra muʿcizāt-ı enbiyā / Ol velḭyullah ʿicāz-ı beniyullah keşf

Himmetḭ oldı cemālından ʿAlḭniñ mū be mū / Ṣāḥib-i idrāke teʾvḭl-i kelāmullah keşf