Şehr-i ʿilmine ʿAlḭdür şehr-i ʿaşḳa şehriyār / Şeh ḳadem basmaz vücūduñ olmayınca şehriyār

Eyle āyḭn mihr-i Ḥaydar birle göñliñ şehrini / Eyleye tā kim teferrüc ḳılmaġa ol şeh güzār

İḫtiyārıñ tabşur iḫlaṣ-ile ol sulṭāna hem / Dünyā u ʿuḳbāda oldur iḫtiyār-ı kirdiġār

Ḥaydar-ı düldül-süvār-ı tac-dār-ı ḥāribiñ / Çākeridür Sām u Ẕāl u Rüstem u İsfendiyār

Bu ʿacebdür şeh-süvār-ı leşker-i ṭayyār ilen / Çarḫ meydānında baḥt étmek diler her ḫar-süvār

Ẕülfiḳārı çekse ʿarş üstünde oḫur Cebreʾḭl / “Lā fetā illā ʿAlḭ lā seyf illā ẕülfiḳār”

İki böldi Merre ibni Ḳaysı iki barmaġı / Ḳıldı ḥısn-ı Ḫayberi bir barmaġ-ilen tārumār

Her şeġāl u rūbeh u keftār-ı segden söyleme / Söyle medḥ ol şāha kim şḭrim dédi perverdiġār

Avlasa bu merġzārı dehr şol ṣayyād aña / Misl-i ʿamr u ʿanterḭdür ġażanferdür şikār

Nūr-ı mihr-i murtaẕādan rūşen eyle ḳalbiñi / Āyḭne yüz gösterür rāḫ olsa yüzünden ġubār

Rencine degmez cihānıñ genc-i ḥubb şāh-imiş / Genc-i bḭmār degil bḭ-hār u ḫas bḭ-ḫumār

Şol velḭ-yi Ḥaḳḳ ḳasḭm-i nūr-ı nārıñ Himmetḭ / Buġż-ı āteş münkire cennet muḥibbe lāle-zār