Murtażādur menbaʿ-ı ervāḥ-ı baḥr u ẕāt-ı ʿayn / Bu cihetden defter-i esmāda oldı ism-i ʿayn

Añla bu ʿilmi eyā ʿālemde ʿirfānım déyen / Dilde nuṭḳ oldur ṣafā-yı ḳalb olur nūr-ı ʿayn

Maṭlaʿ-ı ṣubḥ-ı ezeldir aḫtar-ı şām-ı ebed / Māh-ı burc-ı evc-i ʿizzet aftāb-ı maşrıḳeyn

Bu yeddi aḫter ʿAlḭniñ ʿaşḳına leyl u nehār / Çizginür dāim felek üstünde miŝl-i kaʿbeteyn

Her zamān bir naḳş-ı ṣūret gösterür nerrād-ı çarḫ / Gāh vḭrān eyler uşbu ḫākdānı gāh zeyn

Şāh ʿarṣa-yı ḥārib u ḍārib vér andan ḥāżir ol / Ṣulḥ ḳıl ol şāh-ı ḳahhār ile zinhar étme keyn

Şāh-ı merdān-ile bu meydānda kimdir ḥarb éde / [Ḳahḳaha] u ṣalṣāl ʿAmr u ʿanter u bedr-i ḥuneyn

Tḭġ-ı āfāt-ı semāvḭdir münāfıḳ ḳalbine / Oldı mirriḫ-i ḫadū-efken sınānında seneyn

Ḫancer-ilen ḳaṭʿ ḳıldı herke dil ḳılmaz medḥ-i şāh / Dişlerin bir bir ḳoparanın bi-ḍarb-ı kelbeteyn

Ol velḭ bāṭından ol sāʿat ki geldi ẓāhir / Vaʿde-yi sāʿat érişdi doġdı şems-i maġribeyn

ʿAşḳına gel gül niŝār eyle ḥayātıñ naḳdini / Ḳalmaya tā kim cihānda ey aḫḭ boynıñda deyn

Kaʿbe-yi āl-i ʿAlḭ dergāhıdır müʾminlere / Şol iki şehzādelerdir ehl-i ʿaşḳa ḳıbleteyn

Bir şehḭd-i kerbelāyı pür belāyuz Himmetḭ / Server-i ser-leşker-i serdārımızdır şāh-ḥüseyn