Bende-yi Ḥaḳḳ-perest-i yeẕdānıñız / Ḳātil-i dḭv u cinn u şeyṭānıñız

Dḭn yolında Muḥammede cāndan / Ümmetüz müʾminüz müselmānıñız

Şāh-ı merdāna medḥ ḳılmaḳda / ʿAndelḭb-i hezār destānıñız

Cān-fedāyuz ḥüsn-i ṭarḭḳinde / Şāh-ı ḥüsnüñ yolında ḳurbanıñız

ʿAbdiyüz şāh-ı zeyn-i ʿibādıñ / Bu şerefden cihānda sulṭānıñız

Bāḳırıñ ʿaşḳına bu meydānda / Gāh gūyuz gāh çevgānıñız

Caʿferiñ ḳavline ezel günden / Ṣādıḳu’l-ḳavl ehl-i ḭmānıñız

Mūsā-yı Kāẓım oldı rehberimiz / Her ne emr étse bende-yi fermānıñız

Zḭrā āstān-ı Şāh Rıżā / Ḥācı-yı kaʿbe-yi Ḫorasānıñız

Şāh Taḳḭ Şāh Naḳḭ beyānında / Tanıduḳ Ḥaḳḳ ṭarḭḳ-ı insānıñız

Ḥasan ʿAskerḭden ey ʿārif / Bulduḳ aʿrāf-ı ehl-i ḭrfānıñız

Vaḳṭdur kim ẓuhūr-éde Mehdḭ / Dem-be-dem intiẓār-ı meydānıñız

Himmetḭ ḥamdulillah ve’l-minne / Kelb-i dergāh-ı şāh-ı merdānıñız