Ger ulū’l-ebṣār-iseñ ol server-i merdāne baḫ / Cān u gözin aç ey birāder merd iseñ merdāne baḫ

Ol yedullahıñ dem-i tḭġından olmış lāle-gūn / Sanasın gökde şafaḳdur ʿarṣa-yı meydāna baḫ

Ṭalʿatı nūr-ı velāyetden mücellādur onuñ / Gökyüzünden ṣūret-i āyine-yi tābāna baḫ

Bir de ḥükmeylersin gökde āftāb dönderür / Ol emḭn ʿarş u ferş ol ṣāḥib-i fermāna baḫ

Ḥükm-ile esrār işinde Muṣṭafānıñ ḫātemiñ / Ḥüccet u burhān içün ḍarb eyleyiñ aṣlana baḫ

Ḥaydarı her kim berāber eyledi her nāḳıṣa / Gevheri ḫar-mühreden farḳ etmeyeñ nādāna baḫ

Yetmiş iki ḳātile vérdi Ḥaḳḳ yoluna cān u baş / Bu saḫā u cūd u bu elṭāf bu iḥsāna baḫ

Sen ʿAlḭyi ger veliyullah-ı muṭlaḳ bilmeseñ / Gör söyler şānına Allah gel furḳāna baḫ

Ḫalḳa anıñ ṭāʿat-i fermān-ı Ḥaḳḳ fermānıdur / Ḫalıḳıñ emrine baş endirmeyeñ şeyṭāna baḫ

Her nebḭ kim geldi Ḥaḳḳdan hem onuñla biledür / Maẓhar-ı Ḥaḳḳ sırr-ı ẕāt ol ṣāḥib-i devrāna baḫ

Baḫma ol mecrūḥ mār-ı ġaflete ey Himmetḭ / Mehd-i Meryemde yatarken şāriḥ-i ŝuʿbāna baḫ