Ḳılma ey nādān-ı cāhil fażl-ı raḥmān-ile baḥŝ / Maẓhar-ı külli ʿacāʾib sırr-ı sübḥān-ile baḥŝ

Ŝādıḳ ol ḳavline bu şāhıñ muṭḭʿ ol emrine / Dḭve düşmez kim ḥükm-i Süleymān-ile baḥŝ

Ḳılmasun mekr-ile meydān-ı Muḥammedden ḳaçan / Cānfedālıḳ menzilinde şāh-ı merdān-ile baḥŝ

Ḥadd yoḫ dur ey filān her himār u ḫūku ḫırs / Eyle meydān içinde şḭr-i yezdān-ile baḥŝ

Ey birāder kes siyāset hançer-ilen başını / ʿĀṣḭ olur eylese bir ḳul dü sulṭān-ile baḥŝ

Sıbġatıdur çün hüccet-i ḳatiʿ ḳuşan meydāna gel / Ger ḳılursan dḭn yolında āl-i merdān-ile baḥŝ

Ġayr-ı ḳaṭre-yi maʿnḭde baḥr-ı velāyetdür ʿĀlḭ / Ḳaṭre kimdür kim éde deryā-yı ʿummān-ile baḥŝ

Étmek ister mekr ʿaceb u ḥḭle u tezvḭr-ilen / Cāhil u nādānı gör ʿallām-ı Ḳur’ān-ile baḥŝ

ʿİlm u ḥilm u keşf u cūd u ḥarb onundur tamām / Müddeʿḭ onunla eyler bes burhān-ile baḥŝ

Maʿrifet evcinde ḫurşḭd-i ḥaḳḭḳatdür ʿAlḭ / Mümkün olmaz zerreye ḫurşḭd-i tābān-ile baḥŝ

Bu cihānda eyleme ey ʿārif-i ṣāḥib-kemāl / Her cühūl-ı ʿām-ı ke’l-enʿām-ı nādān-ile baḥŝ

Siḥr-ile iblḭs şeyṭāndur onuñla Himmetḭ / Sāḥirḭ ki eylese Mūsḭ-yi ʿimrān-ile baḥŝ