ʿAşḳ-ilen iki cihān mülkine dur silk etegin / Ey velḭ ḥāṣıl ola tāki ʿAlḭden dilegiñ

Uyma deccāle mesḭḥāyı ḳoyub ey ṣūfi / Seg-perest olma yeri terkini eyle eşigiñ

Bulmasun ḳalbiñe yol vesvese-yi şeyṭānḭ / Mesken-i dḭv-i laʿḭn olmaya tā kim yüregiñ

Gösterür her kime ʿayb u hünerin ʿārif-i Ḥaḳḳ / Ṣafdan ḳalbi seçer ḳudreti budur miḥegiñ

Tanı ol şāh-ı yedullahı ki ḳurbunda onuñ / Pāyesidir butı simurġ-ile birdir sinegiñ

Yaʿni bu ʿarż-ı semavāta ʿAlḭdir ḥākim / Vāy eger ḫaşim duta çarḫın o şāh nuh felegiñ

Uçma küstaḫ eger Cebreʾḭl-iseñ ḥaẕer ét / Yanmıya baḥr-ı velāyet güẕerinde yelegiñ

Ceble tḭġına dözmez ḳāf ḳoyar / Ne vücūd ola pes ṣurṣur öñünce müçegiñ

Eyleme sehv ḳılub seng-i ḫadengine siper / Hāyil olmaz ol oḫa nuh-felek olsa deregiñ

Cān véren cān alan üstād ʿAlḭdür ḫalḳa / Bu varaḳdan sabaḳ āl-i vār-ise gözde bebegiñ

Ṣāḥib-i nān u nemekdir velḭyullah-ı velḭ / Her münāfıḳ ne bilür Ḥaḳḳını nān u nemegiñ

Himmetḭ bu ġazeliñ oldı seniñ subḥ-ı mesā / Ferşde fikr-i beşer ʿarşda ẕikr-i melegiñ