Şāh-ı ṣaff-der Ḥaydar-ı ḫayber-güşād dḭv-i bend / Ḳıldı muḥkem ḫilḳat-i Ādemden öñden dḭv-i bend

Her vilāyetden çeküb ḍarb-ile taḫdı ol velḭ / Boynuna çoḳ ser-keş-i ser-dār-ı ser-ḫayliñ kemend

Ḳurladı bir naʿl ol dem ʿarşda oldı hilāl / Çarḫ meydānında çapdı şeh-süvārı ol semend

Baḥr-ı ʿilm zevrāḳ ḥükmünüñ olmaz lengeri / Ḳāf-ı Elburzu Demāvend hem kūh-ı Ṣeḥend

Ẓāhir u bāṭın musaḫḫardur velāyet ʿilmine / Ṣūret-i ferş musaṭṭaḥ maʿnḭ-yi ʿarş bülend

Devr anıñ devrān anıñdur ḥükm anıñ ferman anıñ / Ḫūt-perest olma yeri ey ḫūt-nümā-yı ḫūt-pesend

Var ise cānında ger idrāk yā başında ʿaḳl / Nāṣiḥ-i müşfiḳden ey ferzend-i ādem diñle pend

Çek vücūduñ şehrine ʿilm-i velāyetden ḥiṣār / Érmeye ḭmānıña ḫayl-i müşrikden gezend

Ger muḥibb-i ṣādıḳ-ı āl-i ʿAlḭ-sen şevk-len / Cānıñı ḳıl āteş-i mihrinde ol mahıñ sipend

Tābiʿ olma cāhile nādān-ṣıfat her nāḳıṣa / Yoḫsa ey ebleh-ṣıfat dḭni şeyṭanı oldıñ rḭşḫand

Himmetḭ étdüḳçe medḥinde ʿAlḭniñ muttaṣıl / Ṭūṭḭ-yi guyā kimi nuṭḳundan āḫir cūyḳand