Cān dilde dem-be-dem vird-i zebānım şāh şāh / Ṣuḥuf-ı ders-i muṣḥaf ʿilm-i beyānım şāh şāh

Defter-i āyāt-ı Ḳur’ān kelām-ı nāṭıḳım / Ẕikr u fikrim şükr u nuṭḳ dāsıtānım şāh şāh

Cümbişim cismimde cānımdır ḥayāt-ı ḥāṣılım / ʿAşḳ u ʿaḳl u ḳuvvet-i rūḥ-ı revānım şāh şāh

Āfitābım māhtābım ṣubḥgāhım aḥterim / Maẓhar-ı nūr-ı zemḭn u āsımānım şāh şāh

Şuʿle-yi şemʿ-i tecellā maṭlaʿ ḫūrşḭd-i ẕāt / Pertev-i āyine-yi ʿayn-ı ʿayānım şāh şāh

Ol āḫir nihān āşikāra bḭ-gümān / Ẓāhir u bāṭın nişān-ı bḭ-nişānım şāh şāh

Ḥaḳḳ şehenşāhım emḭrim reh-nümā u rehberim / Pādişāh-ı serverim ṣāḥib-ḳıranım şāh şāh

Ḳuṭb-ı devrān ḭmān-ı evliyā sulṭān-ı dḭn / Hādi-yi Ḥaḳḳ mehdi-yi ṣāḥib-zamānım şāh şāh

Mālikü’l-mülk-i meānḭ ḫāce-yi şehr-i vücūd / Ḥākim ol kişver-i emn u emānım şāh şāh

Cennet-i Firdevs-i aʿlā ravżā-yı dāru’l-ḫulūd / Kevŝer-i ṭūbā naʿḭm-i cāvidānım şāh şāh

Bir cova degmez ḳatımda māl u mülk u taḫt-ı cāh / Mihr-i ʿaşḳıñdur menim genc-i nihānım şāh şāh

Himmetḭ neyler bu dünyā lezzetiñ sensen menim / Maḫsen-i dḭnār-ı genc-i dürr-i kānım şāh şāh