Ne göz kim ol nigāh-ı pertev-i mirāt ẕāt eyler / Tecellide temāşā-yı vücūd mümkināt eyler

Ṣıfat mülkinde aḫlāḳ-ı ḥāmḭde kesb éder ol / Kemāl-i maʿrifet şehrinde özin Ḥaḳḳ ṣıfāt eyler

Girer keyfiyyet-i eṣvāt u noḳṭa-yı cān olur cismi / Görür ol ẕāt kim bir ḥarf-i künden kāinat eyler

Girer baḥr-i ṣıfāta seyr éder ġavvaṣ-ı maʿnḭ tek / Bu yüzden dem-be-dem naẓāre-yi mevt ḥayāt eyler

Güẕār eyler ʿubūr-ı ʿālem-i ṣūretde eglenmez / ʿAynıñ peyrevi bu fāniye az iltifāt eyler

ʿAlḭ bu mihr u māh u kevkebe emr étmese doġmaz / Doḳḳuz eflākı bir menṣūbde ol şāh māt eyler

Bu dem ḳādrini kim ki bildi ol insān-ı kāmildür / Aña ḳassam-ı cennet ḥūr u ġılmān berāt eyler

ʿAlḭdür ẕevraḳ-ı Nūḥıñ kim aña ger minen cāhil / Eger Kenʿān ise Ḥaḳḳdan ne ümmḭd-i necāt eyler

Ḳabūl olmaz ʿAlḭ dergāhını tā ḳılmasa ḳıble / Münāfıḳ gör cihānda ʿucb-ilen miñ neyl-i ṣalāt eyler

Ḥaḳḭḳat kaʿbe-yi taḥḳḭḳi bilmez küfr-ilen dāḭm / Ḥasūd-ı bḭ-baṣāret secde-yi Lāt Menāt eyler

Muḥibbe rūz-i maḥşerde ne ġamdur cürm-i ẕilletden / Şefāʿat çün emḭr-ül-müʾminḭn u müʾmināt eyler

Gül-āb u ḳand neyler Himmetḭ ey ḫāce-yi münʿim / Şehḭd-i Kerbelāyı zḭrā çemen meyli Fırāt eyler