Ehl-i yaḳḭne rehber kimdir ʿAlḭden özge / Ḥaḳḳ leşkerine server kimdir ʿAlḭden özge

Ser-ḫayl-i enbiyānıñ ser-bān-ı evliyānıñ / Ol ṣaf-şikāf-ı ṣaff-der kimdir ʿAlḭden özge

Munca nebḭ velḭden munca ebḭ ṣabḭden / Şḭr-i ḫudā u Ḥaydar kimdir ʿAlḭden özge

Müʾminlere ḥimāyet ser-pençe-yi velāyet / Miftāḥ-ı bāb-ı ḫayber kimdir ʿAlḭden özge

Şol ṣāḥib-i tevekkül maḫṣūṣ-ı tḭġ-ı düldül / Ḳattāl-ı ʿamr u ʿanter kimdir ʿAlḭden özge

Ẕikriñ bu nuṭḳı ey ḳavm yetmiş iki kez el-yevm / ʿİlmiñ ḥiṣārına der kimdir ʿAlḭden özge

Cisminde Aḥmediñ cān yār u ḥabḭb-i raḥmān / Ḥaḳḳ yoluna véren ser kimdir ʿAlḭden özge

Nādı ʿAlḭ beyānı hem lā-fetā nişānı / Rūz-ı daġa muẓaffer kimdir ʿAlḭden özge

Şāh-ı kerḭm-i ekrem küll-i şeyʾe muḳaddem / Ẕāt-ı ḳadḭm-i maẓhar kimdir ʿAlḭden özge

Şānında innemādur medḥinde lā-fetādur / Menşūr-ı emr-i dāver kimdir ʿAlḭden özge

Maʿnḭ-yi noḳta-yı bā esrār-ı lam elif lā / Baḥr-ı ʿulūma gevher kimdür ʿAlḭden özge

Ḳussām-ı cennet u hūr ṣavt-ı kelām hem ṣūr / Ḳāḍı-yı rūz-ı maḥşer kimdür ʿAlḭden özge

Aḥbāba yār-i mūnis ʿuşşāḳa mḭr-i meclis / Sāḳi-yi ḥavż-ı kevŝer kimdür ʿAlḭden özge

Sulṭānı Himmetḭniñ ḭmānı Himmetḭniñ / Cānān-ı cān dilber kimdür ʿAlḭden özge