Şḭr-i ḫażret Ḥaydar-ı ṣaff-der emḭr-i ṣaf-şiken / Her ḳadem-gāhında ḳurbāndır hezārān cān u ten

Bir işāret ḳılsa Ḥaḳḳdan fetḥ olur ḫayl-i ʿadū / Dest-i ḳudretdir aña ḥācet degil tḭġ-ı miḥen

Ṣordı menden müddeʿḭ kimdir emirin men dédim / Ḥayberi vḭrān édendir ʿanterin başın kesen

Zevc-i zehrā ol velāyet āsımānında ḳamer / Nāib-i Aḥmed velḭ-yi Ḥaḳḳ daḫı bāb-ı ḥasen

Evliyā şāh-ı velāyet leşkeriniñ serveri / Ḫāce-yi Selmān u Ḳanber Būzer u Veysu’l-Ḳaran

Bir deminden buldılar nuṭḳ-ı ḥayāt hem cemāl / Ḥıżr-ı İlyās mesḭḥā Yūsuf-ı gül-pḭrehen

Bir güneşdir Murtażā kim ondan almışdur żiyā / Māh-ı encem meşʿal-i ḫūrşḭd u şemʿ-i encümen

Ehl-i ḭmān ol vaṭan dut ey birāder Ḥaydarıñ / Āsıtān oldı ḭmān ehline ḥubbü’l-vaṭan

Kaʿbe-yi kū-yı murtażādur andan özge ʿārife / Oldı mescūd her but-ḫāne u deyr-i kühen

Ẕerrece mihr-i ʿAlḭden özge ġayrıñ sevgisi / Ḥaḳḳ bilür yoḫdur menim göñlümde pinhān ʿalen

Çāker-i āl-i ʿAlḭdir kim ki anıñdur tamām / Kevŝer-i ṭūbā u maḳsūdāt gülzār-ı çemen

Himmetḭniñ şāh medḥinde olubdur göñli baḥr / Sḭnesi miŝl-i ṣedefdür sözleri dürr-i ʿaden