Ḳapılma lābe-i ‘ālem-firīb-i dil-rubādan geç / Temelluḳ-sāz-ı istihzā hezārān āşinādan geç

Nühüfte-kār-ı naḳş āġāz ider ‘uşşāḳ-ı dil-beste / Henūz ol şūḫ şeh-nāz itmede muṭrib-nevādan geç

Tebessüm-rīz-i gül-ḥand olsada bu ṣūret-i devrān / Nevāziş-kārī-i aḥbāb-ı vaż‘-ı nā-becādan geç

Olursun nā’il-i ‘izzet serāy-ı mülk-i istiġnā / Velīkin Yūsufāsā iddi‘ā-yı mā-cerādan geç

Żamīr-i ṭab‘-ı rindān müstekindür saña rāci‘dür / Çıḳup kürsīde vā‘iẓ mey-keşāna bed-du‘ādan geç

Ḳo dursun bir ṭarafda şīşe-i işkeste-i ḫāṭır / Ṣaḳ ın nāz-ı eṭibbādan şifā-yı mū-miyādan geç

Rüsūm-ı nāziş-i cānāna ta‘ẓīm itme lāzımdur / Dil-i micmer-fürūz ol tehniyet-sāz-ı cefādan geç

Ṣadāḳatse murāduñ Ḫāliṣā bu dehr-i fānīde / Mürüvvetle dürūġ-āmīz olan mihr ü vefādan geç