İmām-ı ʿālem u ādem emḭr-i külli emḭr / Veliyyü ḫālıḳ-ı ekber vaṣiyyi rūz-ı ḳādir

ʿAlḭyyi ʿālḭyyi āʿlā u ʿālim u āʿlem / Anıñ ṣıfātını söyler kelām hem tefsir

Çeker nişān-ı velāyet beyāzına ṭuġrā / “Hüve’l-ʿalḭyyü’l-ʿaẓḭm ve hüve’l-ʿalḭyyü’l-kerim”

ʿAlḭdür ins u melek ḫaylına sipeh-sālār / Nebḭ hem velḭdür reh-nümā u mürşḭd u pḭr

Meŝelde kevkeb-imiş ser-be-ser siyāh velḭ / ʿAlḭ bu kevkeb içinde miŝāl-i māh-ı münḭr

ʿAdū-yı müşrike ḳātil münāfıḳa ṭūfān / Muḥibbe nāṣır u manṣūr u müʾmināna naṣḭr

Onuñ muḥibbine dārü’l-ḳarār ṣadr-ı cinān / Anıñ ʿaduvvına oldı maḳām-ı nār u saḳar

İki cihānda velā müşrik ve münāfıḳdur / ʿAlḭ yolında bugün cān u baş éden taḳsḭr

Ḫurūc-ı āl-i Muḥammed 1353 / Başında var-ise ger ʿaḳlıñ eyle sen tedbḭr

Ẓuhūr-ı mehdḭ-yi ṣāḥib-zamān 1313 / Oḫur bu evc-i semādan ferişteler tekbḭr

ʿAlḭ-yi āl-i ṭarḭḳatde ey göñül ḫāk ol / Gerekse cennet-i rıḍvān içinde taḫt-ı serḭr

Gerekdür ʿārifiñ ḳalbi velāyet derḭne maḫzen / Çıḫan yüz gösterür pāk olmasa āyine-yi ḫāṭır

Bu Himmetḭ bela-keş be-ʿaşḳ-ı āl-i ʿabā / Géyindi şāl-ı ḳanāʿat çü ḳıldı terk-i ḥarḭr