Şāh-ı merdān ʿAlḭdür server-i sulṭānımız / Mehdi-yi ṣāḥib-zamāndur ʿḭsḭ-yi devrānımız

Kūy-ı kelb-i āsitānı ʿarş u nuṭḳ Cebreʾḭl / Şol cemāl-i bā-kemāl levḥ-ile Ḳur’ānımız

Vālḭ-yi kevn u mekān ḳāsım-ı nār u behişt / Nāib-i Aḥmed velḭ-yi ḫālıḳ-ı subḥānımız

“Lā-fetā u innemā u hel-etā”dur Ḥaḳḳ bilür / Ẓāhir u bāṭın delḭl u ḥüccet u burhānımız

ʿAyn u lām u yā ṣıfāt-ı noḳṭa-yı bā virdimiz / Ẕikr-i tesbḭḥ-i kitāb u defter-i divānımız

Ḫilḳat-ı ḫalḳa dem-i Ḥaydardan oldı nefḫ-i rūḥ / Nuṭḳdur pes mebde-i miʿāt-ı cism-i cānımız

Ṣūret-i ṣavm-i ṣalāt u maʿnḭ-yi ḥac u ẕekāt / Ḥubb-i āl-i Muṣṭafādur ṭāʿat-i erkānımız

Cān içinde ol velḭniñ mihridür ey bḭ-ḫaber / Şarṭ-ı islām u diyānet dḭn hem ḭmānımız

Girme girme ḳılmayınca terk-i ser bu ʿarṣada / Kim belādan muttaṣıl ḫāli degil meydānımız

Girdi bu meydāna çevgān velāyet ʿaşḳına / Kesdi evvel başını ṭob eyledi merdānımız

Ḥūri u peymāne u kevŝer-i bezmdür şükr-i Ḥaḳḳ / Şāh-ilen çünki bütündür bḭʿat u peymānımız

Mülk-i ṣūretde velāyet şehrine ḳıldun ṣefer / ʿĀşıḳ-ı dḭdāruz ol ʿālemdedür seyrānımız

Ḥıżr-ı vaḳt ṭāʿat-i ʿilm-i ledünnḭ Himmetḭ / Nuṭḳ-baḫş-i ʿAlḭdür çeşme-i hayvānımız