Menim şahım ḳuşemşemdür ḳuşemşem / Kim ol ẕāt-ı mücessemdir mücessem

Vücūd-ı pākim muṣḥafdır ne muṣḥaf / Mütercemdir mütercemdir mütercem

Süleymān ḥaşmet u Mūsā celālet / Muʿaẓẓamdur muʿaẓẓamdur muʿaẓẓam

Cemḭʿ-i enbiyā u evliyādan / Muḳaddemdür muḳaddemdür muḳaddem

ʿAlḭm u eşçeʿ ser-baḫş-ı ekrem / Mükerremdür mükerremdür mükerrem

Oña aḫlāḳ-ı elṭāf-ı mürüvvet / Müsellemdür müsellemdür müsellem

Resūlullah ilen ol sırrullah / Benḭʿemdir benḭʿemdir benḭʿem

Anı her kim ki Ḥaḳḳ bilmez maḳāmı / Cehennemdir cehennemdir cehennem

Ḥarḭm u ḥürmetinde ẕāt-ı haḳḳıñ / Muḥarremdir muḥarremdir muḥarrem

Ḫurūc-ı ḳāim-i āl-i Muḥammed / Demādemdir demādemdir demādem

Bize ey Himmetḭ Ḥaḳḳdan bu teşrḭf / Muḳassemdir muḳassemdir muḳassem