Dehān-ı tengine bir mevḥibeniñ bḭş u kem ṣıġmaz / Gümānı ḳoy ki munda baḥŝ-i mevcūd-ı ʿadem ṣıġmaz

Nice lāla dérsen iḫtiyār ét ṣūfḭ ṣümme bükm / Ki Ḥaḳḳıñ ẕāt-ı peymānına hem lā u niʿam ṣıġmaz

Ki ẕātıñ evveli āḫirdür hem āḫiri evvel / Ḥadiŝ-i ḳabl u baʿd anda ḥādḭŝ-i ḳıdem ṣıġmaz

Yaḳḭn bil beytullahu’ṣ-ṣameddür müʾminin ḳalbi / Neden kim beyt-i yeẕdāna Ebū’l-Cehl-i żiyem ṣıġmaz

Yazanda hū yazıbdur bu nişānıñ başına münşḭ / Velāyet-nāmeniñ ʿünvānına özge raḳam ṣıġmaz

Muṣavver naḳşine bu ṣūretiñ şāh-ı velāyetdür / Bu ḫaṭṭa ol farḭze özge ḫaṭṭāṭ u ḳalem ṣıġmaz

ʿAlḭ mihrinden özge cān evinde ḳoyma deyyārı / Ḥarḭm-i ʿizzet-i sulṭāna çün ḫayl-i ḥaşem ṣıġmaz

ʿAlḭdür sāḳi-yi ebrār ḥavż-ı kevŝer üstünde / O bezme kāse-yi faġfūr-ı Çḭn u cām-ı Cem ṣıġmaz

Keremdür iki ʿālemde şiʿār-ı şāh-ı merdānıñ / Onuñ meydānına her bḭ-vücūd-ı bḭ-kerem ṣıġmaz

Vücūdım ḳaṣrını ḳıldı münevver murtażā mihri / Daḫı bu cilve-gāh-ı nūr-ı ḫurşḭde ẓalam ṣıġmaz

Neşāṭ-ı şādlıḳdur muttaṣıl göñlüm sarayında / Bu evde ʿıyd-ı nevrūz olsa daḫı raḫt-ı ġam ṣıġmaz

Maḳālı terk-édübdür bu Himmetḭniñ şiʿr dḭvānı / Kim ol defterde ḳḭl u ḳāl u Aʿrāb u ʿAcem sıġmaz