Ḳılmışuz āl-i ʿabā ʿaşḳına taġyir-i libās / Terk-i aṭlas étmişüz besdür cihānda bir palās

Şāl-pūş-ı şehr-i ʿaşḳuz ḫāk-sār-ı kūy-ı faḳr / Şāh-ı lāḳayduz gerekmez çetr u çevgān esās

Biz gedā-yı ḫānedān-ı Ḥaydaruz sulṭān-ı vaḳt / Devlet-i bāḳḭ bize el vérdi genc-i bḭ-ḳıṣās

Şāh-ı merdān çākeri çekmez ʿadūdan ḫavf-ı ḫūn / Evliyā şehrine girmez lā-cerḭm u bḭm ḥirās

Ẕülfiḳār-ı Ḥaydar-ı ṣaff-der keser müşrikleri / Şöyle kim ẕāhir biçer bu keşt-zār u dehr-i dās

Bir naẓar ḳıl āyet-i levlāk idrāk eyle gör / Kim ṭufeylḭdür ʿAlḭ evlādınıñ evlād-ı nās

Ḳıldı rūşen pertevinden ʿālem-i leyl u nehār / Aldı ḫurşḭd-i ḳamer nūr-ı ʿAlḭden iḳtibās

Uşbu ṣūretde velāyet nūrunı gördi ʿayān / Ṣayḳal-ı maʿnḭ kānıñ āynasından sildi pās

Söyleyen dilde gören gözde ʿAlḭdür vāḳıf ol / Ger seninlen yār-ise bu cān u dilde beş ḥavās

Ḥaḳḳ yolında gelmedi hergiz dilinden ḥarf-i lā / Ḫalḳ her ne ḳıldı ol kān-ı keremden iltimās

Ḥaşr bezminde Ḥüseyn ʿaşḳına ister Himmetḭ / Sāḳḭ-yi kevŝer elinden luṭf édübdür dolı tās