Menim şāhım ʿAlḭyü’l-murtażādur / Velḭ-yi Ḥaḳḳ vaṣḭ-yi Muṣṭafādur

Muḳarrar şānına aḳvāl-ı Ḥaḳḳdan / Delḭl-i “hel etā vel innemā”dur

Yer olmışda yoḫ mānend-i miŝli / “Tevetteyküm şāh-ı mülk-i lā fetādur”

Érişmez künhüne idrāk-i insān / Ṣıfāt-ı ʿayn-ı ẕāt-ı kibriyādur

Ḥaḳḭḳātde ḭmād-ı ʿarş-ı raḥmān / Ḳarar-ı lenger-i arż u semādur

Vücūd-ı maẓhar u külli ʿacāib / Ẓuhūr u enbiyā u evliyādur

Kelām-ı nāṭıḳ-ı Ḥaḳḳ noḳṭa-i bā / Muḥammed şehr-i ʿilm ol bāb u hādur

Ḥarḭmi ʿizzet içre rūḥ-ı zehrā / Emḭn-i rāzdār-ı ḳul kefādur

ʿAlḭden özge iki Ḥaḳḳ şehen-şāh / Ḥasandur şāh Ḥüseyn-i Kerbelādur

Ṣıfāt-ı zeyn-i dḭndür zeyn-i ḭmān / ʿAlḭ-yi ŝāni kim Zeynü’l-ʿabādur

Yazan bu levḥ-vechi yaʿni Bāḳir / ʿAle’l-ʿarş istivār u reh-nümādur

İmām-ı ʿārifḭn Caʿfer ki Ḥaḳḳdan / Ḳamū ṣādıḳlara Ḥaḳḳ pḭşvādur

Muḥḭṭ-i ʿilm-i ṭūr u ḥilm-i Mūsā / Belāya ṣābir u derde devādur

ʿAlḭ Musā Rızā kim āstānı / Ḥaḳḭḳāt kaʿbe-yi ehl-i rıżādur

Muḥammed kim Taḳḭdür oña elḳāb / Cemʿi-yi muttaḳḭye muḳtedādur

Naḳḭ kim Ḥaḳḳ yolunda Ḥaḳḳa dāim / İşi iḥsān u elṭāf u ʿaṭādur

Velāyet ʿaskerine mḭr-i serdār / Şeh-i dḭn ʿaskerine ṣāḥib-livādur

Ener ḭsā çıḫar mehdḭ-yi mevʿūd / Ricālu’l-ġayb-ilen emr-i ḫüdādur

Oyanur ḫāb-ı ġafletden açar göz / Olar kim bu cihānda uyḫuladur

Bugün şol maʿrifetsiz ṣūfḭ-yi ḫar / Bizim-len bu cehetden mācerādur

Bu on iki velḭyullah dāim / İşim ey Himmetḭ medh u ŝenādur