Bir Ḥaydar fḭ iki cihān cānı ʿAlḭ / İns u cinniñ ʿālem-i maʿnḭde sulṭānı ʿAlḭ

Mülk-i ʿaşḳıñ māliki şāhenşehi fermān revā / Cümle eşyānıñ ḥaḳḭḳatde Süleymānı ʿAlḭ

Enbiyānıñ evvel āḫir imām-ı ḳıblesi / Evliyānıñ ẓāhir u bāṭında sulṭānı ʿAlḭ

Oda yandır bir bir anıñ evrāḳını bāda vér / Her kitābıñ kolmasa her sözde burhānı ʿAlḭ

Gāh gösterdi sıḫāvet gāh çekdi ẕülfiḳār / ʿĀleme her vech-ilen bildürdi subḥānı ʿAlḭ

Menbaʿ-ı deryā-yı ʿilm u ḥilm u ḳaf-ı ṣabr u şükr / Maʿden-i elṭāf u iḥsān keremkānı ʿAlḭ

Yetmiş iki ḳātile vérdi cān başıñ düşmene / Ḥaḳḳ yolunda ḳıldı kim bu cūd-i iḥsānı ʿAlḭ

Yerde gökde ḥükm anıñ tā ebed fermān anıñ / Şarḳa sürdi ġarbdan mihr-i dıraḫşānı ʿAlḭ

Ādemi ḫalḳ étmemişdi ḫālıḳ-ı cān-āferḭn / Baġladı ifriti şol Allahıñ aṣlanı ʿAlḭ

Ḥaydar oldı ol velḭler şāhına ol dem yaḳḭn / Dutdı başından iki şaḳ étdi ŝuʿbānı ʿAlḭ

Nuṭḳa geldi annesi bāṭnında ol ẕāt-ı ḳadḭm / Aḥmede şerḥ eyledi teʾvḭl-i Ḳur’ānı ʿAlḭ

Şāh-ı şāhenşāhı rāh u reh-nümāsı rehberi / Himmetḭniñ ḳıblesidir dḭn u ḭmānı ʿAlḭ