Ruḫleri saḳız gülünden hem beyāż hem ḳırmızı / Añdırır pistānçe-i nārenci bāġ-ı sāḳızı

Bir ḳılın çektikce ṣanki rişte-i cānlar çeker / Bir nefes alamadım gitdi elinden cınbızı

Dāne-i şebnem ṣanur derd-i beyāż üzre gören / Gerden-i ṣāfındaki incüsini dizi dizi

Būs ider muġ-beçeler resm-i Pānāyādur deyü / Rūyına sürse kilīsāya giderken yāldızı

Öyle bir fındıḳçı kim görse gelür āteş gibi / Yaḳdı yandırdı derūnum āh ol kāfir ḳızı

İḳtidāʾen ben de çignerdim timurdan leblebi / Çigneseydi vāʿde-i vuṣlat gibi bir sakızı

Al cānfesler giyüb ol ḫūr çıḳdı ḳarşuma / Çerḫ-i aṭlas pūş gözden düşdi çün şeyṭān bezi

Göz diker luṭf-ı sipihre olaraḳ şeb-zinde-dār / Zāhidiñ ol mah hele barışmamışken yıldızı

Dem-be-dem ḳullaşdırır bāġ-ı ḫayāl-i ḥüsnini / Nūrīyā ol nāzenīniñ nice incir ḫırsızı