Havl-i ḳuvvet maẓhar-ı küll-i ʿacāʾibdir ʿAlḭ / Nuṣret-i ʿavn-ı muʿḭn [fi’d-devāibdir] ʿAlḭ

Ḳuṭb-ı ŝābit ferş-i raḥmet çarḫ-ı gerdān eyleyen / Nūr-ı ḫurşḭd-i ḳamer şemʿ-i kevākibdir ʿAlḭ

Düşmen olsa on sekiz miñ ʿālem-i ʿālemlere / Ferd-i vāḥid añlarıñ cemʿine ḳālibdir ʿAlḭ

İʿtibār-ilen naẓar ḳıl ger ulū’l-ebṣārsen / Cünbiş-i ʿibret-nümā her ġarāḭbdir ʿAlḭ

Ẕāt-ı pākindir cemʿi-yi āferḭnişden ġaraż / ʿAyn-ı ʿālem maḳṣad-ı imkān vācibdir ʿAlḭ

Ger ʿAlḭ ibn-i Ebu-Ṭālib oḫurlar ẓāhiren / Lḭkin maṭlūb-ı murād-ı küll-i ṭālibdir ʿAlḭ

Her ne ḳılsa yoḫdur anıñ emrine çün u çerā / Ḫālıḳıñ emriylen bu mülke ṣāḥibdir ʿAlḭ

İḫtiyār-ı ʿālem u ādem ḳasḭm-i nūr u nār / Hem vekil-i Ḥaḳḳ resūlullaha nāḭbdir ʿAlḭ

Cā-nişḭn u hem vaṣḭ-yi nefs-i ḫayru’l-mürselḭn / Cāna cān u laḥmeke laḥmiye teṣāḥubdür ʿAlḭ

Yer u gök anıñla ḳāḭmdir bilür ehl-i kemāl / Ḥāżır u nāżır bil onı ṣanma ġāḭbdir ʿAlḭ

Ḥaḳḳdan iḳlḭm-i ulūhiyyet musaḥḥardır aña / Himmetḭ gör ṣāḥib-i aʿlā-merātibdir ʿAlḭ