Nuṭḳ-ı Ḥaydar cismime cāndur ezelden tā ebed / Ehl-i ʿaşḳa cān u cānāndur ezelden tā ebed

Bu menim ḳalbimde ol şāh-ı ḳadḭmiñ Ḥaḳḳ bilür / Ḥubb-ı āl-i dḭn u ḭmāndur ezelden tā ebed

Şevḳ-i ẕevḳ bu göñül vḭrānesinden fi’l-mesel / Bir fenāsız genc-i pinhāndur ezelden tā ebed

İçmeyen ger Ḫıżr-ise nuṭḳ-ı ʿAlḭden cām-ı cem / Āb-ı ḥayvān içse ḥayvāndur ezelden tā ebed

Her kimiñ cānında yoḫdur ẕevḳ bu keyfiyyetiñ / Suḫre-yi ḳūl-ı bḭyābāndur ezelden tā ebed

Ḳılmayan ol miḥrāb-ı şāhıñ nişān-ı maḳdemiñ / Bḭ-baṣar gümrāh-ı şeyṭāndur ezelden tā ebed

“Lḭ-maʿallah” menzilinde Muṣṭafā şems-i münḭr / Murtazā çün mah-ı tābāndur ezelden tā ebed

Dāim u ḳāimdür ānıñ ẕātına yoḫdur zevāl / Aftāb-ı ʿarş-ı raḥmāndur ezelden tā ebed

Yoḫdur kevnin içinde miŝl-i mānend-i ānıñ / Lā-mekān taḫtında sulṭāndur ezelden tā ebed

Vaḳt-i ḥācet kimseye hüccet getürmez ol kerḭm / Ṣāḫib-i elṭāf-ı iḥsāndur ezelden tā ebed

Kim ki bu Ḥaḳḳ ḳavle āmennā démez hüccet dutar / Dḭni yoḫ bir nā-müselmāndur ezelden tā ebed

Himmetḭ ḳālū belā bezminde içdi rāḥ-ı rūḥ / Şāh elinden mest u ḥayrāndur ezelden tā ebed