Yine ḳış gitdi geldi mevsim-i yaz / Çemen ṣaḥnında bülbül çekdi āvāz

Dédi kim ismeʿu ey ḳavm-i ʿuşşāḳ / Velḭyullah medḥin ḳıldı āġāz

Ṣabā esdi velāyet gülşeninde / Açıldı ṣad-hezārān ġonça-yı nāz

ʿAlem çek ʿarṣa-yı medḥinde şāhıñ / Olasın serv tek tā kim ser-efrāz

Ḥicāzḭ sen muḫālif düşme ṣūfi / Hüseynḭ ḳavmine ol yār dem-sāz

Eger kerkes degilsen miŝl-i ʿanḳā / Velāyet ḳāfına ḳıl ʿazm-i pervāz

Neden kim ḳonmadı ey ṭāyir-i ḳuds / Bu burc u suflḭde murdāra şehbāz

Ḥaḳḭḳat ʿāleminde ger dilersen / Kemāliñ külli şeyden eyle mümtāz

Ṭarḭḳinde ʿAlḭniñ müstaḳḭm ol / Vére tā kim saña teşrḭf-i iʿzāz

ʿAlḭdür menbaʿ-ı luṭf u kerāmet / ʿAlḭdür maʿden-i bürhān-ı iʿcāz

ʿAlḭ aḥbabınadur cennet u ḥur / Şerābe’t-tuhūr niʿmet u nāz

Bu yolda ḳıl Himmetḭ terk-i dünyā / Çe cāy Baṣra u Baġdad u Şḭrāz