Oldı cism-i nā-tüvān āmāc-ı ṣaḥrā-yı fenā / Nice demlerdir atar dest-i ḳaża tīr-i belā / Olmada peyveste ʿarşa naʿre yā Rabbenā / Ḳıl baña imdād yā Rābb be-ḥaḳḳ-ı Muṣṭafa / Sāʾil-i dergāhuñam senden kerem senden ʿaṭā

Nice müddet bülbül āsā āh u efġān eyleyem / Nice demler gül gibi cāk-ı giribān eyleyem / Āb-ı çeşmim bāġ-ı dehre nice rīzān eyleyem / Ḳıl baña imdād yā Rābb be-ḥaḳḳ-ı Muṣṭafa / Sāʾil-i dergāhuñam senden kerem senden ʿaṭā

Keşti-i cismi felek ṣaldı miyāh-ı firḳāte / Sürdi çün bād-ı belā suyı diyār-ı ġurbete / Rūzigār encām-ı kār atdı kenār-ı zillete / Ḳıl baña imdād yā Rābb be-ḥaḳḳ-ı Muṣṭafa / Saʾil-i dergāhuñam senden kerem senden ʿaṭā

Zīr-i çarḫda ʿāḳıbet mesrūr olan giryān olur / Resm-i ʿālem böyledir māʿmūr olan vīrān olur / Çarḫla her rifʿat olsa ḫāk ile yeksān olur / Ḳıl baña imdād yā Rābb be-ḥaḳḳ-ı Muṣṭafa / Sāʾil-i dergāhuñam senden kerem senden ʿaṭāʾ

Nūrīyā olmuş idim deşt-i tevekkülde mekīn / Gülistān-ı dehrde mānend-i murġ-ı ḫazīn / Bī-tevaffuḳ rūz u şeb itmekdeyim āh u enīn / Ḳıl baña imdād yā Rābb be-ḥaḳḳ-ı Muṣṭafa / Sāʾil-i dergāhuñam senden kerem senden